ஆலாந்துறை பேரூராட்சி மூங்கில்மடைக்குட்டை பகுதியில் ரூ.5.50 கோடி மதிப்பில் 64 குடியிருப்புகள் கட்டும் பணி

0
11

ஆலாந்துறை பேரூராட்சி மூங்கில்மடைக்குட்டை பகுதியில் ரூ.5.50 கோடி மதிப்பில் 64 குடியிருப்புகள் கட்டும் பணி உள்ளாட்சித்துறை அமைச்சர் எஸ்.பி.வேலுமணி துவக்கி வைத்தார்

கோவை,ஜூலை.1-
கோயம்புத்தூர் மாவட்டம், தொண்டாமுத்தூர் ஊராட்சி ஒன்றியத்திற்குட்பட்ட பகுதிகளான இக்கரைபோளுவாம்பட்டி, மத்வராயபுரம், ஆகிய ஊராட்சிகள் மற்றும் ஆலாந்துறை பேரூராட்சி ஆகிய பகுதிகளில் (30.06.2020) கழக அமைப்புச் செயலாளரும், கோவை புறநகர் மாவட்டக் கழகச் செயலாளரும், நகராட்சி நிர்வாகம், ஊரக வளர்ச்சி மற்றும் சிறப்புத்திட்டங்கள் செயலாக்கத்துறை அமைச்சர் எஸ்.பி.வேலுமணி முடிவுற்ற திட்டப்பணிகளை துவக்கி வைத்து, பல்வேறு புதிய பணிகளுக்கு பூமிபூஜை செய்து பணிகளை துவக்கி வைத்தார்.

புரட்சித் தலைவி அம்மா அவர்களின் வழியில் தமிழ்நாடு முதலமைச்சர்
கிராமப்பகுதிகளையும் நகரப்பகுதிகளுக்கு இணையாக மேம்பாடு அடையவும், சாலை, பாலம், சுகாதாரம், கட்டமைப்பு என அனைத்து வகைகளிலும் தன்னிறைவு அடைய வேண்டுமென பல்வேறு முன்னோடித் திட்டங்களை சிறப்பாக செயல்படுத்தி வருகின்றார்.
கோயம்புத்தூர் மாவட்டத்தில் ஸ்மார்ட் சிட்டி திட்டம், மேம்படுத்தப்பட்ட சாலைகள், காந்திபுரம் முதலடுக்கு மற்றும் இரண்டாம் அடுக்கு மேம்பாலங்கள், வெள்ளலூர் ஒருங்கிணைந்த பேருந்துநிலையம், அத்திக்கடவு அவினாசி திட்டம் உள்ளிட்ட பல்வேறு திட்டங்களை சிறப்பாக செயல்படுத்தி கோயம்புத்தூர் மாவட்டத்தில் 50 ஆண்டுகளுக்கான திட்டங்களை கடந்த 5 ஆண்டுகளில் செயல்படுத்தப்பட்டுள்ளது.

அதனடிப்படையில், மத்வராயபுரம் ஊராட்சியில் ரூ.9.08 இலட்சம் மதிப்பில் தொம்புலிபாளையம் அங்கன்வாடி மைய கட்டிடம் கட்டும் பணி, ஆலாந்துறை பேரூராட்சியில் மூங்கில்மடைக்குட்டை பகுதியில் குடிசை மாற்று வாரியம் மூலம் ரூ.5.50 கோடி மதிப்பில் 64 குடியிருப்புகள் கட்டும் பணி, மத்வராயபுரம் ஊராட்சி இருட்டுப்பள்ளம் சிறுவாணி மெயின் ரோடு முதல் ஸ்ரீகார்டன் வரை ரூ.10.00 இலட்சம் மதிப்பில் கான்கிரீட் சாலை அமைக்கும் பணி, ரூ.9.08 இலட்சம் மதிப்பில் நல்லூர்பதியில் அங்கன்வாடி மைய கட்டிடம் கட்டும் பணி, என மொத்தம் ரூ.5.78 கோடி மதிப்பிலான பணிகளுக்கு நகராட்சி நிர்வாகம், ஊரக வளர்ச்சி மற்றும் சிறப்புத்திட்டங்கள் செயலாக்கத்துறை அமைச்சர் எஸ்.பி.வேலுமணி பூமிபூஜை செய்து பணிகளை துவக்கி வைத்தார்.
மேலும், ஆலாந்துறை பேரூராட்சியில் முதலீட்டு மானிய நிதியிலிருந்து ரூ.19.64 இலட்சம் மதிப்பில் ஊராட்சி ஒன்றிய நடுநிலைப்பள்ளியில் கட்டப்பட்ட 2 புதிய வகுப்பறை கட்டிடங்கள், ரூ.2.47 இலட்சம் மதிப்பில் அமைக்கப்பட்ட ஸ்மார்ட் கிளாஸ், இக்கரை போளுவாம்பட்டி ஊராட்சியில் நபார்டு திட்டத்திலிருந்து ரூ.320.00 இலட்சம் மதிப்பில் செம்மேடு சாலை முதல் தொம்புலிபாளையம் நொய்யல் ஆறு வரை அமைக்கப்பட்ட உயர்மட்ட பாலம், மத்வராயபுரம் ஊராட்சியில் தாய்சேமிப்பு நிதியிலிருந்து ரூ.12.00 இலட்சம் மதிப்பில் தொம்புலிபாளையத்தில் அமைக்கப்பட்ட பயணிகள் நிழற்குடை, ஏஞ்சல் கார்டன் பகுதியில் அம்மா பார்க் திட்டத்திலிருந்து ரூ.30.00 இலட்சம் மதிப்பில் அமைக்கப்பட்ட அம்மா பார்க், அம்மா ஜிம், இக்கரை போளுவாம்பட்டி ஊராட்சி செம்மேடு காந்தி காலனியில் ரூ.16.85 இலட்சம் மதிப்பில் கட்டப்பட்ட பல்நோக்கு மையக்கட்டிடத்திற்கு உணவுக்கூடம், ரூ.11.13 இலட்சம் மதிப்பில் அமைக்கப்பட்ட உணவு தானிய கிடங்கு என மொத்தம் ரூ.4.12கோடி மதிப்பிலான கட்டிடங்களை பொதுமக்களின் பயன்பாட்டிற்கு நகராட்சி நிர்வாகம், ஊரக வளர்ச்சி மற்றும் சிறப்புத்திட்டங்கள் செயலாக்கத்துறை அமைச்சர் எஸ்.பி.வேலுமணி திறந்து வைத்தார்.

இந்நிகழ்ச்சியில் மாவட்ட வருவாய் அலுவலர் இராமதுரைமுருகன், மாவட்ட ஊரக வளாச்சி முகமையின் திட்ட இயக்குநர் கி.ரமேஷ்குமார், தொண்டாமுத்தூர் ஊராட்சி ஒன்றிய குழு தலைவர் மதுமதி விஜயகுமார், பேரூராட்சிகளின் உதவி இயக்குனர் துவராகநாத்சிங், மாவட்ட கழக நிர்வாகிகள் என்.கே.செல்வதுரை, என்.எஸ்.கருப்புசாமி, ஜிகே.விஜயகுமார், டி.ஏ.சந்திரசேகர், கருடா சுரேஷ், மாவட்ட ஊராட்சிக்குழு உறுப்பினர் டிசி.பிரதீப், ஒன்றிய குழு உறுப்பினர்கள் எம்.மோகன்ராஜ், செல்வராஜ், கழக நிர்வாகிகள் கே.ஜெயபால், நாச்சிமுத்து, சுந்தர்ராஜ், தகவல் தொழில்நுட்ப பிரிவு மாவட்ட செயலாளர் ஆர்.சசிக்குமார், ஊராட்சி மன்ற தலைவர்கள் சதானந்தம், கிட்டுசாமி உள்பட பலர் கலந்து கொண்டனர்.

LEAVE A REPLY

Please enter your comment!
Please enter your name here